მედიკამენტებით უზრუნველყოფისა და ფალსიფიკაციის რისკების შემცირების მიზნით, წამლის ხარისხის ეროვნული ლაბორატორიის შექმნა დაიწყო, – ამის შესახებ ჯანდაცვის მინისტრმა ეკატერინე ტიკარაძემ სამინისტროს ანგარიშის წარდგენისას განაცხადა.
მინისტრის განცხადებით, ლაბორატორიისთვის შენობის მოწყობა და საჭირო აპარატურის შესყიდვა მიმდინარეობს. ამასთან, მისივე თქმით, ლაბორატორიის ამოქმედება 2022 წლის ბოლომდე არის დაგეგმილი.
„გარდა ამისა, 2020 წელს გაიცა პირველი GMP და GDP სერტიფიკატები. 2022 წლიდან ფარმაცევტული საწარმოებისა და დისტრიბუტორებისთვის სავალდებულო გახდება GMP და GDP სტანდარტის დაცვა. GMP/GDP სერტიფიკატების მისაღებად სააგენტოს უკვე მომართა 15-მა დაწესებულებამ“, – განაცხადა ტიკარაძემ.
