შუახევში ტურისტული მნიშვნელობის საავტომობილო გზის რეაბილიტაციის პროექტი დასრულდა. ინფორმაციას აჭარის ტელევიზია ავრცელებს.
შუახევი-ჩირუხის საავტომობილო გზაზე 3 კილომეტრზე მეტ მონაკვეთზე ორფენიანი ასფალტობეტონის საფარი დაიგო. მოეწყო ბეტონის და გაბიონის საყრდენი კედლები, სანიაღვრე არხები, მილები, დამცავი ზღუდარები. მოხდა გზის ჰორიზონტალური მონიშვნა. არსებული გზა ერთმანეთთან აკავშირებს დღვანის, ოლადაურისა და შუბნის თემებს.
