თელავის მუნიციპალიტეტის საკრებულომ 2022 წლის ბიუჯეტის პროექტის განიხილვა დაიწყო, რომელიც 27 მილიონ 695 ათას 500 ლარს შეადგენს, რაც გასული წლის ანალოგიურ მაჩვენებელთან შედარებით თითქმის 5 მილიონი ლარით არის გაზრდილი.
თელავის მუნიციპალიტეტის საკრებულოს ინფორმაციით, მომავალი წლის მთავარი საფინანსო დოკუმენტის პროექტი სივრცით-ტერიტორიული დაგეგმარების, ინფრასტრუქტურისა და ბუნებრივი რესურსებისა და ეკონომიკისა და ქონების მართვის საკითხთა კომისიების გაერთიანებულ სხდომაზე უკვე განიხილეს.
ბიუჯეტის პროექტით ინფრასტრუქტურულ ღონისძიებების დაფინანსებისთვის გათვალისწინებულია 8 მილიონ 729 ათასი ლარი. რაც შეეხება მუნიციპალიტეტის ქონების მართვის საკითხს, ქონების გადასახადის საპროგნოზო მაჩვენებელი 2021 წლის შესაბამის მაჩვენებელთან შედარებით გაზრდილია 900 ათასი ლარით და 5 მილიონი ლარით განისაზღვრება.
საკრებულოს ინფორმაციითვე, ორივე კომისია ბიუჯეტის პროექტთან დაკავშირებულ რეკომენდაციებსა და შენიშვნებს შეიმუშავებენ და საკრებულოს თავმჯდომარეს წარუდგენენ. საკრებულოს მერისთვის ბიუჯეტის პროექტის შენიშვნებით დაბრუნების ბოლო ვადა 25 ნოემბრამდე აქვს.
