“ჩემმა მეგობარმა გაიგონა, როგორ დაურეკა ოცნების ერთ-ერთ წარმომადგენელს დიტო სამხარაძემ, აუცილებლად პოლიციამ უნდა შეასრულოს დავალება, რომ მოშიმშილეები გავეყვანეთ სხდომათა დარბაზიდან” – ამბობს “დღის სტუმრის” ეთერში საუბრისას, დეპუტატი მაია კალანდია, რომელიც ზუგდიდის საკრებულოს შენობაში, საქართველოს მესამე პრეზიდენტის, მიხეილ სააკაშვილის სამოქალაქო კლინიკაში გადაყვანის მოთხოვნით უკვე მესამე დღეა შიმშილობს.
კალანდიას ინფორმაციითვე, ერთ-ერთი პოლიციელი, რომელიც აქტიურობითა და აგრესიით გამოირჩეოდა, ტატო კიტიაა.
ზუგდიდის საკრებულოს შენობაში დღეს დაპირისპირება იყო. პოლიციამ ძალის გამოყენებით მოშიმშილეები სხდომათა დარბაზიდან გაიყვანა, რა დროსაც შეუძლოდ გახდა ერთ-ერთი მოშიმშილე.
დაპირისპირების მიზეზი კი მომავალი წლის ბიუჯეტი გახდა, რომლის განხილვასაც დღეს საკრებულოს ძველი შემადგენლობა გეგმავდა.
