ბათუმის მერის, არჩილ ჩიქოვანის განცხადებით, ღირსეულად გაიმარჯვა. მისივე თქმით, ის მაქსიმალურს გააკეთებს იმისთვის, რომ ქალაქისთვის სასარგებლო გადაწყვეტილებები მიიღოს.
ჩიქოვანი ოპოზიციის ცალკეულ წარმომადგენლებთან კონსულტაციებს არ გამორიცხავს, თუმცა ამბობს, რომ “ნაციონალურ მოძრაობასთან” თანამშრომლობას არ აპირებს.
“აბსურდულია ყველა ის ბრალდება, რომელიც თვეების განმავლობაში ჟღერდა როგორც ჩემი კანდიდატის, ასევე პოლიტიკური გუნდის მიმართ. ჩვენ გავიმარჯვეთ, გავიმარჯვეთ ღირსეულად, მიუხედავად ძალიან ბევრი ცილისწამებისა, ტალახის სროლისა, ფეიკ ნიუსებისა. მიუხედავად ბინძური კამპანიისა, ჩვენ ღირსეულად გავიმარჯვეთ.
საკრებულოს ნაწილში ჩვენ ისევე, როგორც ზოგადად საქმიანობაში ვიქნებით გამჭვირვალე, ღია და გვექნება ისეთი ინიციატივები და ბიუჯეტი, რომელსაც ქალაქის ყველა გულშემატკივარი დაუჭერს მხარს,”- განაცხადა არჩილ ჩიქოვანმა.
