ცესკოს წინასწარი მონაცემების მიხედვით, ირკვევა, რომ არჩევნების მეორე ტური თბილისის გარდა, კიდევ არაერთ ქალაქში გაიმართება. მათ ნაწილში პირველი ტურის წინასწარი მონაცემებით, ოპოზიციის კანდიდატები ლიდერობენ. ეს ქალაქებია:
ქუთაისში, სადაც „ნაციონალური მოძრაობის“ კანდიდატი ხატია დეკანოიძე და „ოცნების“ კანდიდატი იოსებ ხახალეიშვილი დაუპირისპირდებიან ერთმანეთს. დეკანოიძეს წინასწარი მონაცემებით, ხმათა 43.35% აქვს, ხახალეიშვილს კი – 41.49%.
ბათუმში, სადაც „ნაციონალური მოძრაობის“ კანდიდატი გიორგი კირთაძე და „ოცნების“ კანდიდატი არჩილ ჩიქოვანი დაუპირისპირდებიან ერთმანეთს. კირთაძეს წინასწარი მონაცემებით, ხმათა 42.04% აქვს, ჩიქოვანს კი – 41.32%.
სენაკში, სადაც „ნაციონალური მოძრაობის“ კანდიდატი კობა ნაყოფია და „ოცნების“ კანდიდატი ვახტანგ გადელია დაუპირისპირდებიან ერთმანეთს. ნაყოფიას წინასწარი მონაცემებით, ხმათა 42.35% აქვს, გადელიას კი – 40.21%.
ზუგდიდში, სადაც „ნაციონალური მოძრაობის“ კანდიდატი ანზორ მელია და „ოცნების“ კანდიდატი მამუკა წოწერია დაუპირისპირდებიან ერთმანეთს. მელიას, წინასწარი მონაცემებით, ხმათა 46.88% აქვს, წოწერიას კი – 41.15%.
წალენჯიხაში, სადაც „ნაციონალური მოძრაობის“ კანდიდატი გიორგი ხარჩილავა და „ოცნების“ კანდიდატი გოგა გულორდავა დაუპირისპირდებიან ერთმანეთს. ხარჩილავას ხმათა 39.67% აქვს, გულორდავას კი – 38.24%.
