ცენტრალური საარჩევნო კომისიის წინასწარი 11:30 საათის მონაცემებით, 7 თვითმმართველ თემში, საარჩევნო უბნების 100% დათვლილია და „ქართული ოცნების“ მერობის კანდიდატებმა პირველივე ტურში გაიმარჯვეს.
კერძოდ, მარნეულში, წალკაში, ნინოწმინდაში, ამბროლაურში, ლენტეხში, აბაშასა და ხულოში არჩევნების მეორე ტური არ გაიმართება.
- აბაშაში 54,31%-ით იგებს ქართული ოცნების კანდიდატი გიორგი გაბელია;
- ამბროლაურში 59,53%-ით იგებს ქართული ოცნების კანდიდატი ზვიად მხეიძე;
- ლენტეხში 78,93%-ით იგებს ქართული ოცნების კანდიდატი გია ონიანი;
- მარნეულში 68,19%-ით იგებს ქართული ოცნების კანდიდატი კენან ომაროვი;
- ნინოწმინდა 82,53%-ით იგებს ქართული ოცნების კანდიდატი ანივარდ მოსოიან;
- წალკაში 55,86%-ით იგებს ქართული ოცნების კანდიდატი ილია საბაძე;
- ხულოში 54,26%-ი იგებს ქართული ოცნების კანდიდატი ვახტანგ ბერიძე.
კანდიდატებმა 50%-იანი ბარიერის გადალახვა მოახერხეს.
