არჩევნებამდე 2 დღით ადრე ოპოზიციის ერთ-ერთი ლიდერი, პარტია “დროას” თავმჯდომარე ელენე ხოშტარია ამომრჩეველს ხმების დაცვის მექანიზმს აცნობს. მისი თქმით, ხმების დაცვის უპირველესი მექაანიზმია საარჩევნო ყუთთან მისული ამომრჩეველი.
ხოშტატიამ საგანგებო ბრიფინგზე 6 რჩევა გააჟღერა თუ რა უნდა იცოდეს უბანზე მისულმა ამომრჩეველმა, რომ გამყალბებლებმა ვეღარ შეძლიონ ოპოზიციური ამომრჩევლის ბიულეტენის გაბათილება, ე.წ. კარუსელები და სხვა მანიპულაციები.
ხმების დაცვის 6 რჩევა ასეთია:
1. ყურადღება მიაქციეთ, რომ თქვენი ხელმოწერა იყოს თქვენივე გვარის გასწვრივ.
2. ბიულეტენი არ უნდა იყოს დაზიანებული – ცუდად მოხეული და დაზიანებული ბიულეტენი ბათილდება;
3. ბიულეტენს რეგისტრატორმა აუცილებლად უნდა მოაწეროს ხელი და დაარტყას ბეჭდი
4. ე.წ. მეტკა – არსად არ უნდა იყოს მონიშნული ადგილი სამაგიდო სიაზე;
5. ბიულეტენზე მკაფიოდ უნდა იყოს შემოხაზული სასურველი კანდიდატი, იმისთვის რომ არ გახდეს სადაო (სხვა ნიშანი არ დაიტანოთ ბიულეტენზე);
6. კარგად დახურეთ კონვერტი, სადაც ბიულეტენბს ჩადებთ. (გადმოყრილი ბიულეტენები ბათილდება)
