ვენის ლაბორატორიის დასკვნით, გიორგი გახარიას თმის ნიმუშის კვლევის შედეგად, არცერთი ნარკოტიკული ნივთიერების მოხმარება არ დადასტურდა

85

პარტია „საქართველოსთვის“ ინფორმაციით, ავსტრიაში, ვენის ლაბორატორიის, FTC-Forensisch-Toxikologisches Labor-ის დასკვნით, გიორგი გახარიას თმის ნიმუშის კვლევის შედეგად, არცერთი ნარკოტიკული ნივთიერების მოხმარება არ დადასტურდა, – აღნიშნულთან დაკავშირებით ინფორმაციას თავად პარტიის პრესსამსახური ავრცელებს.

„2021 წლის 14 სექტემბერს ვენის (ავსტრია) ლაბორატორიაში „FTC-Forensisch-Toxikologisches Labor“ ჩატარდა გიორგი გახარიას თმის ნიმუშის კვლევა ნარკოტიკულ ნივთიერებებზე, მათ შორის:

• ტეტრაჰიდროკანაბინოლი – (მათ შორის ე.წ. მარიხუანა)

• კოკაინი

• ამფეტამინი

• მეტამფეტამინი

• MDEA

• MDMA

• მეფედრონი

• ოპიოიდის ჯგუფები: ოპიატები და ჰეროინი

• კოდეინი

• მორფინი

• ბუფრენორფინი

• დიჰიდროკოდეინი

• ფენტანილი

• მეთადონი

• ტრამადოლი

• ბენზოდიაზეპინები

დასკვნაში აღნიშნულია, რომ გიორგი გახარიას თმის ნიმუშის კვლევის შედეგად, არცერთი ზემოხსენებული ნარკოტიკული ნივთიერების მოხმარება არ დადასტურდა. კვლევის შედეგები გაიცა 2021 წლის 28 სექტემბერს“, – ნათქვამია ინფორმაციაში.