ქუთაისის მერია სოციალურად დაუცველი ახალგაზრდებისთვის საგანმანათლებლო პროგრამას აგრძელებს.
ქუთაისის მერიის ინფორმაციით, მათივე ინიციატივით მეთორმეტე კლასელებს ოთხ სასკოლო საგანში სააბიტურიენტო მომზადება დაუფინანსდებათ.
ქუთაისის მერის მოადგილე ირაკლი ქარქაშაძე პროექტის მეორე ეტაპის მონაწილეებს და მათ მშობლებს შეხვდა. როგორც მან აღნიშნა, ქუთაისის მუნიციპალიტეტმა 2021 წლის მარტიდან დაიწყო საგანმანათლებლო პროექტი მეთორმეტე კლასელებისთვის,
„დაინტერესება დიდი იყო. პროგრამის მონაწილეთა უმრავლესობამ, წარმატებით ჩააბარა ეროვნული გამოცდები და სასურველი უნივერსიტეტების სტუდენტები გახდნენ. ამიტომაც, ჩვენ მივიღეთ გადაწყვეტილება, გავაგრძელოთ ეს პროექტი და დავეხმაროთ სწავლის მსურველ ახალგაზრდებს, სათანადოდ მოემზადონ სასკოლო საგნებში“, – განაცხადა ირაკლი ქარქაშაძემ.
