30 ივლისს, „ერთიანი ნაციონალური მოძრაობის“ წევრმა დავით კირკიტაძემ პარტიის ახალი წევრები წარადგინა. რაფი ორუჯოვი და აიაზ მამედოვი „ქართული ოცნებიდან“ „ერთიან ნაციონალურ მოძრაობაში გადავიდნენ. ამის შესახებ რადიო მარნეული წერს.
„საჯარო სამსახურებშიც, „ქართულ ოცნებაში“, გამოჩნდნენ ადამიანები, რომლებმაც დაძლიეს ბევრი ბარიერი და უკანასკნელმა მოვლენებმა ამ ადამიანებს გადააწყვეტინა დაეტოვებინათ საკმაოდ მაღალი სახელმწიფო თანამდებობები, რომლებიც ეკავათ და შეერთებოდნენ ნაციონალურ მოძრაობას“, – განაცხადა დავით კირკიტაძემ.
რაფი ორუჯოვმა გარდაბნის მუნიციპალიტეტის საკრებულოს თავმჯდომარის თანამდებობა 15 ივლისს დატოვა. რაც შეეხება აიაზ მამედოვს, ის შერიგებისა და სამოქალაქო თანასწორობის საკითხებში სახელმწიფო მინისტრის წარმომადგენელი იყო ქვემო ქართლში.
