“ეს პირადი საკითხებია და არ ვისაუბრებ” – სად მიდის ახალციხის მერი

130

მმართველმა პარტიამ ახალციხეში მერობის კანდიდატად სახელმწიფო ქონების ეროვნული სააგენტოს სამცხე-ჯავახეთის რეგიონული დეპარტამენტის უფროსი, ირაკლი ლაზარაშვილი დაასახელა, — ამის შესახებ ინფორმაციას ახალციხის მოქმედი მერი, ზაზა მელიქიძე ადასტურებს. ინფორმაციას toktv.ge ავრცელებს.

როგორ აფასებს პარტიის გადაწყვეტილებას მელიქიძე? გვპასუხობს, რომ ლაზარაშვილი ღირსეული კანდიდატია. რაც შეეხება მის გეგმებს, მელიქიძეს თქმით, პარტიაში რჩება. კონკრეტულად რა პოზიციაზე არ ასახელებს.

კითხვაზე, განიხილებოდა თუ არა მისი კანდიდატურა მერობისთვის? მელიქიძე არ გვპასუხობს და ამბობს, რომ ეს “პირადია”.

“ღირსეული კანდიდატია და წარმატებებს ვუსურვებ. ვიცი, რომ გაინტერესებთ და გეტყვით, რომ პარტიაში ვრჩები. რა პოზიციაზე ეს პირადია და ამჯერად არ ვისაუბრებ,” – ამბობს მელიქიძე.

შეგახსენებთ, რომ დღეს მერობის კანდიდატები დაასახელეს ასპინძაში და ბორჯომში. ხოლო გუშინ ახალქალაქში.