რეგიონული განვითარებისა და ინფრასტრუქტურის მინისტრი ირაკლი ქარსელაძე აცხადებს, რომ 10-წლიანი სამოქმედო გეგმის პრიორიტეტები არის მაგისტრალური გზები და წყალმომარაგება.
„არსებობს კონკრეტული ინდიკატორები, რომელთა მიხედვითაც შეფასდება შესაბამისი სტრატეგია. მათ შორის არის მაგისტრალური დერეფნის „აღმოსავლეთი-დასავლეთი“ განვითარება და მისი დიდი ნაწილის 2025 წლამდე დასრულება. ინდიკატორები და შესაბამისი მიზნები მოიცავს შიდა სახელმწიფოებრივი გზების განვითარებას. 2025 წლამდე ყველა ქალაქს ექნება 24-საათიანი წყალმომარაგება. მთლიანობაში მომდევნო 10 წლის განმავლობაში 31,5 მილიარდი ლარის ინვესტირებაა გამოკვეთილი იმ მიზნების მისაღწევად, რომელსაც სტრატეგია ითვალისწინებს“, – განაცხადა ქარსელაძემ.
