თვითმმართველობის არჩევნებზე საარჩევნო უბანზე მისულ ამომრჩეველთა რეგისტრაცია, ხმის მიცემა, ხმის დათვლისა და შედეგების შემაჯამებელი ოქმის შედგენის პროცედურები ელექტრონული საშუალებებით განხორციელდება.
ელექტრონული სისტემის შემოღებას საარჩევნო რეფორმა ითვალისწინებს, რომელიც ვენეციის კომისიას რეკომენდაციებისთვის გუშინ გადაეგზავნა.
კანონპროექტის მიხედვით, ცესკო უზრუნველყოფს ყველა უბანზე მოსულ ამომრჩეველთა რეგისტრაციას ელექტრონული რეგისტრატორით. ასევე ცესკო უზრუნველყოფს, საარჩევნო ოლქების სულ მცირე იმდენ უბანში ელექტრონული მთვლელით ბიულეტენების დათვლას, რამდენიც საჭიროა ამ ოლქის სოციოლოგიურად ვალიდური შედეგების გამოსავლენად.
კანონპროექტით განსაზღვრულია, რომ ელექტრონული საშუალებების გამოყენების წესი და პირობები განისაზღვრება ცესკო-ს დადგენილებით.
