შუახევში მოსწავლე ახალგაზრდობისა და სახელოვნებო სკოლის მშენებლობა მიმდინარეობს. საგანმანათლებლო და კულტურული დაწესებულებისთვის სივრცე ერთ შენობაში მოეწყობა. ამის შესახებ აჭარის მაუწყებელი წერს.
აშენდება სამ სართულიანი შემინული, თანამედროვე დიზაინის შენობა, რომლის პირველ სართულზე სააქტო დარბაზი, მეორეზე- სახელოვნებო სკოლა, ხოლო მესამეზე – მოსწავლე ახალგაზრდობისთვის განკუთვნილი სივრცე მოეწყობა. შენობა ადაპტირებული იქნება შშმ პირებისთვის. მშენებლობისთვის 600 000-მდე ლარია გათვალისწინებული და მისი მშენებლობა მიმდინარე წელს უნდა დასრულდეს.
მუნიციპალიტეტისთვის გამოწვევად რჩება კულტურის სახლში არსებული ინფრასტრუქტურული პრობლემები, რისთვისაც მერის მოვალეობის შემსრულებლის განმარტებით, თანხების მოძიება მიმდინარეობს.
