ქუთაისის ბოტანიკურ ბაღში ვიზიტორთა მიღება განახლდა. ბოტანიკური ბაღის ხელმძღვანელი ზაზა რამინაშვილის თქმით, ვიზიტორთა მიღება 10:00 საათიდან 18:00 საათამდე იქნება შესაძლებელი. ამის შესახებ ქუთაისი პოსტი წერს.
“დღეს დავიწყეთ ვიზიტორთა მიღება, მალე აეროპორტიც უფრი დატვირთული იქნება, უცხოელი ტურისტებიც მოვლენ და ქართველებიც”-, ამბობს ზაზა რამინაშვილი.
ბოტანიკური ბაღის ხელმძღვანელის თქმით, ზაფხულის სეზონზე ვიზიტორთა მიღების საათები გახანგრძლივდება 20:00 საათამდე.
ეპიდემიური ვითარებიდან გამდინარე ქუთაისის ბოტანიკური ბაღი ვიზიტორებისთვის თითქმის ერთი წლის განმავლობაში დაკეტილი იყო.
