მენჯი-სახარბედიოს დამაკავშირებელი გზა აღდგენილია, – აცხადებენ სენაკის მუნიციპალიტეტის მერიაში.
მათივე ცნობით, მენჯი-სახარბედიოს დამაკავშირებელმა გზამ რამდენიმე ათეული წელია, რაც თავისი ფუნქცია დაკარგა.
“გზის რეაბილიტაციის პრობლემის მოგვარებას მოსახლეობა წლებია ითხოვს. მენჯი-სახარბედიოს დამაკავშირებელი გზის აღდგენის სარეაბილიტაციო სამუშაოები, წლების შემდეგ, პირველად ჩატარდა.
აღნიშნულ მონაკვეთზე უკვე დასრულებულია პირველი ეტაპის სამუშაოები და აქტიურად გრძელდება საგზაო ინფრასტრუქტურის განახლება-რეაბილიტაციის მეორე ეტაპი”, – განმარტავენ მერიაში.
ამასთან, სენაკის მერიის ცნობით, აღნიშნული პროექტის განხორციელება, სენაკის მუნიციპალიტეტის მერის, ლევან კუპრეიშვილის ერთ-ერთი წინასაარჩევნო დაპირება იყო.
პროექტს, რომლის ღირებულება 524 454 ლარს შეადგენს, სს ,,არქეოპოლისი“ აწარმოებს.
