ქობულეთის სოფელ გორგაძეების ერთ-ერთი მთავარი პრობლემა უტრანსპორტობაა. გზა დაგებულია, თუმცა, ტრანსპორტი არ დადის. ინფორმაციას აჭარის მაუწყებელი ავრცელებს.
რთული რელიეფური მდებარეობის გამო, მოსახლეობას სოფლიდან ქალაქში გადაადგილება უჭირს, ეს მაშინ, როცა გორგაძეებში არც მაღაზიაა და არც აფთიაქი და თუ პირადი ავტომობილი არ ჰყავთ, უძნელდებათ პროდუქტის სახლამდე მიტანა.
მერიისგან ელოდებიან , მუნუციპალური ტრანსპორტის დანიშვნას, რადგან კერძო სამარშრუტო ტაქსის მძღოლისთვის, როგორც ამბობენ, მუშაობა ფინანსურად სარგებლიანი არ იყო.
