ნაძალადევის რაიონში 23 მისამართზე ინფრასტრუქტურული სამუშაოები მიმდინარეობს

768

ნაძალადევის რაიონში ბინათმესაკუთრეთა ამხანაგობების განვითარების ხელშეწყობის პროგრამის ფარგლებში, სხვადასხვა ტიპის ინფრასტრუქტურული პროექტი 23 მისამართზე მიმდინარეობს. აქედან სამ მისამართზე კორპუსის მიწისქვეშა კომუნიკაციები იცვლება.

ერთ-ერთი პროექტი გურამიშვილის გამზირის N12-ში ხორციელდება, სადაც 235 გრძივ მეტრზე წყალარინების მოძველებული ქსელი ახლით იცვლება. ასევე, მონტაჟდება რვა საკომუნიკაციო ჭა.

“აქტიურად ვაგრძელებთ ამხანაგობების პროექტების დაფინანსებას. კორპუსების შიდა ქსელის რეაბილიტაცია ჩვენი ერთ-ერთი პრიორიტეტია. კონკრეტულად ამ მისამართზე 72 ოჯახი ცხოვრობს. პროექტის დასრულების შემდეგ, ადგილობრივ მოსახლეობას მიწისქვეშა კომუნიკაციების მხრივ არსებული პრობლემები მოუგვარდება“, – განაცხადა ნაძალადევის რაიონის გამგებელმა ირაკლი ხელაძემ გურამიშვილის გამზირზე მიმდინარე სამუშაოების დათვალიერებისას.

გურამიშვილის გამზირის N12-ში წყალარინების ქსელის შეცვლისთვის ნაძალადევის რაიონის გამგეობა 70 000 ლარს დახარჯავს.