იცი თუ არა, რა უფლებამოსილებები აქვთ ადგილობრივ თვითმმართველობებს? – შეამოწმე შენი თავი

#1. მოქალაქე ანა ანდრონიკაშვილმა სამშენებლო ნებართვის გაცემის მოთხოვნით, ინგლისურ ენაზე შედგენილი განცხადებით მიმართა X მუნიციპალიტეტის გამგეობის არქიტექტურის სამსახურს, სამსახურში აღნიშნული განცხადება დარეგისტრირდა და განმცხადებელს პასუხი ეცნობა ქართულ ენაზე შედგენილი დოკუმენტით. ადგილობრივი თვითმმართველობის კოდექსის თანახმად, რამდენად კანონიერია სამსახურის მოქმედება:

კანონიერია, რადგან ევროკავშირთან დადებული ასოცირების შეთანხმებით, ადგილობრივი ხელისუფლების ორგანოები ვალდებული არიან, მიიღონ დოკუმენტები ინგლისურ ენაზეც

უკანონოა, რადგან მუნიციპალიტეტის ორგანოების სამუშაო და საქმისწარმოების ენაა საქართველოს სახელმწიფო ენა

კანონიერია, რადგან ევროკავშირთან დადებული ასოცირების შეთანხმებით, ადგილობრივი ხელისუფლების ორგანოები ვალდებული არიან, მიიღონ დოკუმენტები ინგლისურ ენაზეც და პასუხიც ინგლისურ ენაზე უნდა ყოფილიყო

უკანონოა, რადგან მუნიციპალიტეტის არქიტექტურის სამსახური დაინტერესებული უნდა იყოს სამშენებლო ობიექტების სიმრავლით და მიმართვის ენა არ უნდა იყოს ბარიერი, რაც ხელს შეუშლის ინფრასტრუქტურის განვითარებას

დაიმახსოვრე სწორი პასუხი – უკანონოა, რადგან მუნიციპალიტეტის ორგანოების სამუშაო და საქმისწარმოების ენაა საქართველოს სახელმწიფო ენა

#2. საქართველოს პარლამენტის მაჟორიტარული წესით არჩეულმა დეპუტატმა მუნიციპალიტეტის ადმინისტრაციული ერთეულის შექმნის წინადადებით მიმართა იმ მუნიციპალიტეტის საკრებულოს, რომელი მუნიციპალიტეტიდანაც ის არჩეული იყო საქართველოს პარლამენტში, საკრებულომ განიხილა მისი წარდგინება; ადგილობრივი თვითმმართველობის კოდექსის თანახმად, რამდენად კანონიერად მოიქცა საკრებულო:

კანონიერად მოიქცა, რადგან იგივე მუნიციპალიტეტის მაჟორიტარის მიერ შეთავაზებული წარდგინება დაამტკიცა

არაკანონიერად მოიქცა, რადგან პარლამენტის წევრი არ იყო უფლებამოსილი გაეკეთებინა მსგავსი წარდგინება

კანონიერად მოიქცა, რადგან ადმინისტრაციული ერთეულის შექმნის წინადადებით მიმართვის უფლება აქვს ყველას და, მით უმეტეს, მაჟორიტარ დეპუტატს, რომელიც დაინტერესებულია მუნიციპალიტეტის საკითხებით

არაკანონიერად მოიქცა, რადგან განხილვამდე საკითხი არ შეათანხმა საქართველოს პარლამენტთან

დაიმახსოვრე სწორი პასუხი – არაკანონიერად მოიქცა, რადგან პარლამენტის წევრი არ იყო უფლებამოსილი გაეკეთებინა მსგავსი წარდგინება

#3. ქ. ფოთის მოსახლეობის მოთხოვნით, ქალაქის მუნიციპალიტეტის საკრებულომ განიხილა და დაამტკიცა ფოთის თავისუფალ ინდუსტრიულ ზონაში მყარი ნარჩენების უტილიზაციისა და შინაური ცხოველების ყოლის წესები; ადგილობრივი თვითმმართველობის კოდექსის თანახმად, რამდენად კანონიერია საკრებულოს გადაწყვეტილება:

არ არის კანონიერი, რადგან მუნიციპალიტეტს არ გააჩნია მყარი ნარჩენების უტილიზაციის და შინაური ცხოველების ყოლის წესების დადგენის უფლებამოსილება

კანონიერია, რადგან მოსახლეობის მოთხოვნის შემთხვევაში, საკრებულო ვალდებულია, გადაწყვიტოს აღნიშნული საკითხები

არ არის კანონიერი, რადგან ადგილობრივი თვითმმართველობის შესახებ ორგანული კანონი ზღუდავს ადგილობრივი თვითმმართველობის ორგანოთა უფლებამოსილებებს გარკვეულ ტერიტორიებზე

კანონიერია, რადგან თვითმმართველობა ხორციელდება საქართველოს მთელს ტერიტორიაზე შეზღუდვების გარეშე

დაიმახსოვრე სწორი პასუხი – არ არის კანონიერი, რადგან ადგილობრივი თვითმმართველობის შესახებ ორგანული კანონი ზღუდავს ადგილობრივი თვითმმართველობის ორგანოთა უფლებამოსილებებს გარკვეულ ტერიტორიებზე

#4. ბოლნისის მუნიციპალიტეტის მერმა საკრებულოს წარუდგინა წინადადება, დაეფუძნებინათ საჯარო სამართლის იურიდიული პირი – „ბოლნისის ტურიზმის განვითარების სააგენტო“. ადგილობრივი თვითმმართველობის კოდექსის თანახმად, სამართლებრივად შეაფასეთ მერის მოქმედება:

მერის მოქმედება კანონიერია, რადგან იურიდული პირების დაფუძნებას სჭირდება საკრებულოს თანხმობა

მერის მოქმედება არაკანონიერია, რადგან საჯარო სამართლის იურიდიული პირის (სსიპ) დაფუძნების უფლებამოსილება მუნიციპალიტეტს არ გააჩნია

მერის მოქმედება კანონიერია, რადგან ის ემსახურება ბოლნისში ტურიზმის განვითარებას

მერის მოქმედება არაკანონიერია, რადგან იურიდიული პირების დაფუძნებას არ სჭირდება საკრებულოს თანხმობა

დაიმახსოვრე სწორი პასუხი – მერის მოქმედება არაკანონიერია, რადგან საჯარო სამართლის იურიდიული პირის დაფუძნების უფლებამოსილება მუნიციპალიტეტს არ გააჩნია

#5. ხელვაჩაურის, ქ. ბათუმისა და ქობულეთის მუნიციპალიტეტებმა დადეს ხელშეკრულება და დააფუძნეს ერთობლივი არასამეწარმეო (არაკომერციული) იურიდიული პირი – „შავი ზღვის თანამშრომლობის ორგანიზაცია“ და მისი ფუნქციონირებისათვის, საკუთარი მოსახლეობის პროპორციულად, გამოყვეს სახსრები ბიუჯეტიდან. ადგილობრივი თვითმმართველობის კოდექსის თანახმად, სამართლებრივად შეაფასეთ მუნიციპალიტეტების ქმედება:

მუნიციპალიტეტებმა დაარღვიეს საქართველოს კანონმდებლობა, რადგან არ ჰქონდათ ერთობლივი იურიდიული პირის შექმნის უფლებამოსილება და თითოეულს ცალ-ცალკე უნდა დაეფუძნებინა

მუნიციპალიტეტები მოიქცნენ კანონიერად, რადგან მათ აქვთ კანონით მინიჭებული უფლებამოსილება, ხელშეკრულების საფუძველზე დააფუძნონ ერთობლივი სამეწარმეო და არასამეწარმეო (არაკომერციული) იურიდიული პირები

მუნიციპალიტეტები მოიქცნენ არაკანონიერად, რადგან შავი ზღვის სანაპიროზე სხვა მუნიციპალიტეტები და სახელმწიფოებიც არიან განლაგებული და მხოლოდ სამ მუნიციპალიტეტს არ აქვს უფლება, შექმნას „შავი ზღვის თანამშრომლობის ორგანიზაცია“

მუნიციპალიტეტები მოიქცნენ კანონიერად, რადგან საქართველოს კანონმდებლობით, ერთობლივი იურიდიული პირების შექმნა არ არის რეგლამენტირებული და არც აკრძალული არ არის

დაიმახსოვრე სწორი პასუხი – მუნიციპალიტეტები მოიქცნენ კანონიერად, რადგან მათ აქვთ კანონით მინიჭებული უფლებამოსილება, ხელშეკრულების საფუძველზე დააფუძნონ ერთობლივი სამეწარმეო და არასამეწარმეო (არაკომერციული) იურიდიული პირები

#6. საქართველოს ერთ-ერთი მუნიციპალიტეტის მერმა ხელი მოაწერა ურთიერთთანამშრომლობის შესახებ ხელშეკრულებას, რომელიც გააფორმა უკრაინის ერთ-ერთ მუნიციპალიტეტთან. ადგილობრივი თვითმმართველობის კოდექსის თანახმად, სამართლებრივად შეაფასეთ მერის ქმედება:

მერის მოქმედება არაკანონიერია, რადგან უცხო სახელმწიფოს მუნიციპალიტეტებთან თანამშრომლობის ხელშეკრულების დადებისა და მასზე ხელმოწერის უფლება აქვს მხოლოდ თვითმმართველი ქალაქების მუნიციპალიტეტების მერებს

მერის მოქმედება კანონიერია, რადგან ტრანსსასაზღვრო თანამშრომლობის ხელშეკრულების მიხედვით, მუნიციპალიტეტებმა სხვადასხვა სახელმწიფოებთან შეიძლება ითანამშრომლონ, თუ მათ გააჩნიათ სახმელეთო ან საზღვაო საზღვარი

მერის მოქმედება არაკანონიერია, რადგან ამ ტიპის ხელშეკრულების ხელმოწერამდე მას კონსულტაციები უნდა გაევლო და სპეციალური ნებართვა უნდა მიეღო რეგიონული განვითარებისა და ინფრასტრუქტურის სამინისტროსგან

მერის მოქმედება კანონიერია, რადგან მუნიციპალიტეტი უფლებამოსილია, ითანამშრომლოს სხვა ქვეყნების ადგილობრივი თვითმმართველობის ორგანოებთან სართაშორისო სამართლით დადგენილი სახელმძღვანელო პრინციპების გათვალისწინებით და საქართველოს კანონმდებლობის შესაბამისად

დაიმახსოვრე სწორი პასუხი – მერის მოქმედება კანონიერია, რადგან მუნიციპალიტეტი უფლებამოსილია, ითანამშრომლოს სხვა ქვეყნების ადგილობრივი თვითმმართველობის ორგანოებთან სართაშორისო სამართლით დადგენილი სახელმძღვანელო პრინციპების გათვალისწინებით და საქართველოს კანონმდებლობის შესაბამისად

#7. მუნიციპალიტეტის საკრებულომ მიიღო გადაწყვეტილება, სახელმწიფოსთვის უსასყიდლოდ გადაეცა მუნიციპალიტეტის საკუთრებაში არსებული 1500 კვ.მ მიწის ფართობი. ადგილობრივი თვითმმართველობის კოდექსის თანახმად, სამართლებრივად შეაფასეთ საკრებულოს გადაწყვეტილება:

საკრებულოს მოქმედება არაკანონიერია, რადგან მას უფლება აქვს, უსასყიდლოდ გადასცეს სახელმწიფოს არაუმეტეს 1000 კვ.მ მიწის ფართისა

საკრებულოს გადაწყვეტილება კანონიერია, რადგან სახელმწიფო ხელისუფლების ორგანოები წარმოადგენენ საკრებულოს ზემდგომ უმაღლეს ორგანოებს

საკრებულოს მოქმედება უკანონოა, რადგან ასეთი ტიპის გადაწყვეტილების მიღებას სჭირდება მერიის ქონების მართვის სამსახურის დასკვნა და მერის ნებართვა

საკრებულოს გადაწყვეტილება კანონიერია, რადგან იგი უფლებამოსილია, კანონით დადგენილი წესით მიიღოს გადაწყვეტილება მუნიციპალიტეტის ქონების სახელმწიფოსთვის უსასყიდლოდ გადაცემის შესახებ

დაიმახსოვრე სწორი პასუხი – საკრებულოს გადაწყვეტილება კანონიერია, რადგან იგი უფლებამოსილია, კანონით დადგენილი წესით მიიღოს გადაწყვეტილება მუნიციპალიტეტის ქონების სახელმწიფოსთვის უსასყიდლოდ გადაცემის შესახებ

#8. სახელმწიფო რწმუნებულმა – გუბერნატორმა საკრებულოს ოფიციალურად მიმართა წინადადებით, სასწრაფოდ შეკრებილიყვნენ რიგგარეშედ რეგიონში განსახორციელებელი რამდენიმე პროექტის განხილვის მიზნით, რომელიც უნდა განხორციელდეს ამ მუნიციპალიტეტში. საკრებულო აღნიშნული მოთხოვნის შესაბამისად შეიკრიბა. ადგილობრივი თვითმმართველობის კოდექსის თანახმად, სამართლებრივად შეაფასეთ, რამდენად იყო ვალდებული საკრებულო, რომ შეკრებილიყო რიგგარეშე სხდომაზე?

საკრებულო ვალდებული იყო, შეკრებილიყო, რადგან გუბერნატორს აქვს უფლება, მოიწვიოს მის სამოქმედო ტერიტორიაზე მუნიციპალიტეტის საკრებულოს რიგგარეშე სხდომა

საკრებულო არ იყო ვალდებული შეკრებილიყო, რადგან გუბერნატორს არ გააჩნია უფლებამოსილება, მოიწვიოს საკრებულოს რიგგარეშე სხდომა

საკრებულო ვალდებული იყო შეკრებილიყო, რადგან განიხილებოდა მუნიციპალიტეტთან დაკავშირებული მნიშვნელოვანი პროექტები

საკრებულო არ იყო ვალდებული შეკრებილიყო, რადგან გუბერნატორის მიერ რიგგარეშე სხდომის მოწვევა უნდა შეთანხმებულიყო მუნიციპალიტეტის მერთან

დაიმახსოვრე სწორი პასუხი – საკრებულო არ იყო ვალდებული შეკრებილიყო, რადგან გუბერნატორს არ გააჩნია უფლებამოსილება, მოიწვიოს საკრებულოს რიგგარეშე სხდომა

#9. მუნიციპალიტეტის საკრებულოში ფრაქციის მქონე პარტიის წარდგენით არჩეულმა უპარტიო წევრმა განაცხადი გააკეთა და გაერთიანდა დამოუკიდებელი დეპუტატების მიერ შექმნილ ფრაქციაში. ადგილობრივი თვითმმართველობის კოდექსის თანახმად, სამართლებრივად შეაფასეთ ეს ფაქტი:

კანონი დაირღვა, რადგან პარტიის წარდგენით არჩეულ უპარტიო წევრს უფლება აქვს, გაერთიანდეს ფრაქციაში მხოლოდ ამ პარტიის წევრებთან ერთად

კანონი არ დარღვეულა, რადგან პარტიის მიერ წარდგენილ უპარტიო წევრზე არ ვრცელდება შეზღუდვები და მას უფლება აქვს, გაერთიანდეს ნებისმიერ ფრაქციაში

კანონი დაირღვა, რადგან პარტიის მიერ წარდგენილ უპარტიო წევრს უფლება აქვს, გაერთიანდეს ნებისმიერ ფრაქციაში, გარდა დამოუკიდებელი კანდიდატების მიერ შექმნილი ფრაქციისა

კანონი არ დარღვეულა, რადგან პარტიის მიერ წარდგენილ უპარტიო წევრზე არ ვრცელდება პარტიის განწესებები

დაიმახსოვრე სწორი პასუხი – კანონი დაირღვა, რადგან პარტიის წარდგენით არჩეულ უპარტიო წევრს უფლება აქვს, გაერთიანდეს ფრაქციაში მხოლოდ ამ პარტიის წევრებთან ერთად

#10. მუნიციპალიტეტის საკრებულოში, არაპარტიულ საფუძველზე, შეიქმნა ფრაქცია „ქალაქი და გალავანი“. მასში გაერთიანდნენ დამოუკიდებელი დეპუტატები, რომლებიც არჩეული იყვნენ მუნიციპალიტეტში შემავალი ქალაქიდან და მის გარშემო არსებული სოფლებიდან. ფრაქცია შეიქმნა ქალაქისა და მისი მიმდებარე რამდენიმე სოფლის ინტერესების უფრო მეტად წარმოჩენის მიზნით. ადგილობრივი თვითმმართველობის კოდექსის თანახმად, სამართლებრივად შეაფასეთ ეს ფაქტი:

კანონი არ დარღვეულა, რადგან კანონით აკრძალულია ფრაქციის შექმნა რელიგიური, ეთნიკური და ეროვნული ნიშნით

კანონი დაირღვა, რადგან ფრაქციის შექმნა დაუშვებელია ტერიტორიული ნიშნით

კანონი არ დარღვეულა, რადგან მუნიციპალიტეტის ინტერესებში შედის ქალაქისა და სოფლების განვითარება და ამ მიზნით ფრაქციის შექმნის შეზღუდვა არ არსებობს

კანონი დაირღვა, ფრაქცია შეიძლება შეიქმნას მხოლოდ პარტიულ საფუძველზე, რადგან ფრაქციის მიზანი მხოლოდ პარტიის პოლიტიკური ინტერესების გამოხატვაა საკრებულოში

დაიმახსოვრე სწორი პასუხი – კანონი დაირღვა, რადგან ფრაქციის შექმნა დაუშვებელია ტერიტორიული ნიშნით