თელავის გენერალური გეგმის მიხედვით, ქალაქში სხვადასხვა სახის კულტურული და შემეცნებითი სივრცეების მოწყობა იგეგმება. ამის შესახებ ინფორმაციას კახეთის ხმა ავრცელებს.
თელავის ცენტრალური მოედნის განვითარებასთან ერთად, თეატრის ტერიტორიაზე იგეგმება მუზეუმების, საგამოფენო სივრცეების მოწყობა. ასევე მოედნის გარშემო უნდა გაკეთდეს დამატებით საფეხმავლო ბილიკები, რომლებიც გააერთიანებს შიდა ეზოებს.
სახლების მეპატრონეებს კი საშუალება მიეცემათ განავითარონ საკუთარი საცხოვრებელი ფართები და ეზოები. სახლების პირველ სართულებზე შეიძლება პატარა კაფეები, რესტორნები, მაღაზიები, ხოლო ზედა სართულებზე სასტუმრო ოთახები და საცხოვრებელი.
