ინტერნეტგამოცემა TSpress.ge-ს რედაქცია, ფონდის – “ღია საზოგადოება – საქართველო” მხარდაჭერით, აცხადებს კონკურსს თვითმმართველობის თემაზე საუკეთესო სტატიის გამოსავლენად.
სტატიები უნდა შეეხებოდეს შემდეგი ქალაქების – თელავი, მცხეთა, ოზურგეთი, ამბროლაური, ზუგდიდი, გორი, ახალციხე – თვითმმართველობის პრობლემებს, არსებულ სიტუაციასა და გამოწვევებს.
მასალის წარდგენის ფორმატი:
- სტატია უნდა გამოაგზავნოთ ელექტრონულ მისამართზე: tspressge@gmail.com
- სტატია წარმოდგენილი უნდა იყოს ვორდის ფაილში.
- ელ-ფოსტით გამოგზავნისას დასახელების ველში მიუთითეთ “საკონკურსო სტატია”
სტატიების შეფასება:
- ინფორმაციულობა;
- სიზუსტე;
- არგუმენტაცია;
- რელევანტურობა;
- აქტუალობა;
- ახალი მედიის ინსტრუმენტების გამოყენება;
- სტილი;
- ჟურნალისტური სტანდარტების დაცვა.
კონკურსი გამოავლენს 7 საუკეთესო სტატიას. თითოულზე ჰონორარის სახით გაიცემა 160$-ის ეკვივალენტი ლარში (საშემოსავლო გადასახადის ჩათვლით).
საუკეთესო ნამუშევარი განთავსდება ვებგვერდებზე: TSpress.ge, Droa.ge; ასევე, შესაძლოა, გავრცელდეს სხვადასხვა მედიასაშუალებებში, სოციალურ ქსელში ან ფონდის ღონისძიებებზე.
ნამუშევრის წარდგენის ბოლო ვადაა 2017 წლის 10 ოქტომბერი, 19:00 საათი
კონკურსი ცხადდება პროექტის – “თვითმმართველობის გაძლიერება და ხელშეწყობა”-ს ფარგლებში.
