ქობულეთში სანაპირო ზოლის რეაბილიტაცია დასკვნით ეტაპზეა

478

ქობულეთში ინფრასტრუქტურული სამუშაოები აქტიურად მიმდინარეობს. სანაპირო ზოლის რეაბილიტაცია დასკვნით ეტაპზეა, – ამის შესახებ ინფორმაციას აჭარის მთავრობის ადმინისტრაცია ავრცელებს.

მათივე ინფორმაციით, განახლდა ზღვისპირა პარკის 2 კილომეტრიანი მონაკვეთი.

„პროექტი ითვალისწინებს: დეკორატიული ფილებით სასეირნო ზოლისა და სავალი ნაწილის მოწყობას; თანამედროვე ტიპის გარე განათების მონტაჟს; მიწისქვეშა კომუნიკაციის მოწესრიგებას; სანაპირო ზოლის კეთილმოწყობას; შშმ პირებისთვის ადაპტირებული ინფრასტრუქტურის მოწყობას“, – ნათქვამია აჭარის მთავრობის მიერ გავრცელებულ ინფორმაციაში.