ჯანდაცვის მინისტრის ეკატერინე ტიკარაძის განცხადებით, სასწრაფო გადაუდებელი დახმარების რეფორმასთან დაკავშირებით დაგეგმილია პრეზენტაცია, რომელიც უახლოეს მომავალში გაიმართება.
მისივე თქმით, მცირე სიმძლავრის მიმღებ-გადამცემი რადიოსადგური ის კომპონენტია, რაც სასწრაფო დახმარების ექიმებს ესაჭიროებათ. ტიკარაძის ინფორმაციით, გადამცემის მიღებას უახლოეს დღეებში ელოდებიან.
„ჩვენ მოკლე ხანში გავაკეთებთ პრეზენტაციას იმასთან დაკავშირებით, თუ რა გეგმები გვაქვს სასწრაფო გადაუდებელი დახმარების რეფორმასთან დაკავშირებით. „რაციები“ არის სწორედ ის კომპონენტი, რაც სასწრაფო დახმარების ექიმებს ესაჭიროებათ. უახლოეს დღეებში ველოდებით „რაციების“ მიღებას“, – განაცხადა ეკატერინე ტიკარაძემ.
