ადიგენის სოფელ მლაშეში 13 სოფელთან დამაკავშირებელ ხიდს ააშენებენ

74

13 სოფელთან დამაკავშირებელი ავარიული ხიდის ადგილზე, ადიგენის მერია ახალ ხიდს ააშენებს, ტენდერი 619 190 ლარზეა გამოცხადებული.

სატენდერო დოკუმენტაციის მიხედვით, ხიდის მშენებლობასთან ერთად იგეგმება ბათუმი–ახალციხის გზიდან მლაშე-მოხის დამაკავშირებელ გზამდე ადგილობრივი მნიშვნელობის გზის რეაბილიტაციაც. სამუშაოებისთვის თანხა სახელმწიფო (92%)  და ადგილობრივი (8 %) ბიუჯეტიდან დაიხარჯება.

მლაშეს ავარიული ხიდის შეკეთებას ადგილობრივები წლების განმავლობაში ითხოვდნენ.