შატილში საარჩვნო უბანი ამ დრომდე ვერ იხსნება, – ამის შესახებ დღეს ცესკოში გამართულ ბრიფინგზე სპიკერის მოვალეობის შემსრულებელმა, ნათია იოსელიანმა განაცხადა.
შატილში საარჩევნო უბანი დღეს უამინდობის გამო ვერ გაიხსნა. კერძოდ, ცესკოს განცხადებით, ვერტმფრენმა უამინდობის გამო კომისიის წევრები ადგილზე ვერ გადაიყვანა.
ბოლო მონაცემებით, საპარლამენტო არჩევნების მეორე ტურში, ამ დროისთვის უკვე ხმა მისცა ამომრჩეველთა 8.29%-მა. ყველაზე მაღალი აქტივობა დაფიქსირდა იმერეთში, 21-ე მაჟორიტარულ ოლქში – 11.4%, ხოლო ყველაზე დაბალი საბურთალოს ოლქში – 6.2%.
მაჟორიტარული არჩევნების მეორე ტური 17 ოლქში ტარდება.
