საქართველოში სულგუნის ტრადიციას არამატერიალური კულტურული მემკვიდრეობის ძეგლის სტატუსი მიენიჭა. ამის შესახებ რადიო ათინათი წერს.
2 ნოემბრით დათარიღებულ ბრძანებას საქართველოს კულტურული მემკვიდრეობის დაცვის ეროვნული სააგენტოს გენერალური დირექტორი ნიკოლოზ ანთიძე აწერს. ამავე დოკუმენტით კულტურული მემკვიდრეობის სტატუსი ტრადიციულ აჭარულ ნაქარგობასაც მიენიჭა.
“საქართველოს უმნიშვნელოვანეს ისტორიულ-კულტურულ ფასეულობათა სამართლებრივი დაცვის უზრუნველყოფის მიზნით, ვბრძანებ: მიენიჭოს არამატერიალური კულტურული მემკვიდრეობის ძეგლის სტატუსი არამატერიალური კულტურული მემკვიდრეობის ელემენტებს – “ტრადიციული აჭარული ნაქარგობა” და “სულგუნის ტრადიცია საქართველოში”, – აღნიშნულია დოკუმენტში.
