ცენტრალური საარჩევნო კომისიის მიერ უკვე დათვლილია უბნების 100%, ანუ 3847-ვე საარჩევნო უბანი.
ყველა უბნის დათვლის შემდეგ, პირველადი მონაცემებით, “ქართულ ოცნება-დემოკრატიულ საქართველოს“ 48.15 %-იანი მხარდაჭერა აქვს, ხოლო “ერთიან ნაციონალურ მოძრაობას” მხარი ამომრჩეველთა 27.14%-მა დაუჭირა.
ამ ორი პარტიის გარდა, ბარიერი კიდევ 7-მა პოლიტიკურმა პარტიამ გადალახა. მათი შედეგი ასეთია:
“ევროპული საქართველო – მოძრაობა თავისუფლებისთვის“ – 3.78%;
“პატრიოტთა ალიანსი” – 3.14% ;
“სტრატეგია აღმაშენებელი” – 3.15% ;
“ლელო“ – 3.15%;
“გირჩი“ – 2.89%;
“ალეკო ელისაშვილი-მოქალაქეები“ – 1.33 %;
“ლეიბორისტული პარტია” – 1%
რაც შეეხება მაჟორიტარულ არჩევნებს, ცესკოს მონაცემებით, მთელი საქართველოს მასშტაბით, 16 მაჟორიტარულ ოლქში მეორე ტური უნდა გაიმართოს.
