ქალთა პოლიტიკაში მონაწილეობის სამუშაო ჯგუფის ინიციატივას, რომელიც ქალთა კვოტირების განსაზღვრის წესს ითვალისწინებს, პარლამენტის ადამიანის უფლებათა დაცვისა და სამოქალაქო ინტეგრაციის კომიტეტმა პირველი მოსმენით მხარი დაუჭირა.
ინიციატივას რვა მომხრე და ერთი წინააღმდეგი ჰყავდა.
ინიციატივა ითვალისწინებს, რომ პარტიებმა პროპორციულ სიაში ყოველი მეორე განსხვავებული სქესის ადამიანი ჩასვან. იმ შემთხვევაში თუ მათ მიერ არ მოხდება მოთხოვნის დაცვა, დაუდგინდებათ ხარვეზი. ამ ხარვეზის შევსების შემდეგ მოახდენს საარჩევნო ადმინისტრაცია პოლიტიკური პარტიის რეგისტრაციას.
კვოტა დროებითი ღონისძიებაა და საკითხის ინიციატორები ვერ ასახელებენ კონკრეტულ ვადას, როდემდე შეიძლება მოქმედებდეს.
რაც შეეხება უფლებამონაცვლეობის საკითხს, ინიციატივის მიხედვით, თუ ქალს ვადაზე ადრე შეუწყდება მანდატი, მას ჩანააცვლებს პარტიის იგივე სქესის წარმომადგენელი. კვოტირების წესი როგორც საპარლამენტო არჩევნებზე, ასევე მომავალში თვითმმართველობის არჩევნებზეც სავალდებული იქნება.
გარდა ადამიანის უფლებათა დაცვისა და სამოქალაქო ინტეგრაციის კომიტეტისა, ინიციატივა რეგიონული განვითარებისა და იურიდიული კომიტეტების სხდომაზეც უნდა განიხილონ.
წყარო: ინტერპრესნიუსი
