“თავისუფალი საქართველოსა და გაერთიანებული მოძრაობის” ქუთაისის მერობის კანდიდატის გოგი წულაიას თქმით, მასობრივი გაყალბების მიუხედავად, ის დარწმუნებულია, რომ ადგილობრივი თვითმმართველობის არჩევნებში გაიმარჯვებს და ქუთაისის მერი გახდება.
წულაიას თქმით, მერად არჩევის შემდეგ, ქუთაისში გაჭირვების გამო ადამიანებს ელექტროენერგია, გაზი და წყალი აღარ შეუწყდებათ.
“ამ ხელისუფლებამ რაც არ უნდა გააყალბოს არჩევნები, მე გარანტირებულად ვიცი, რომ ვიქნები ქალაქის მერი. გაძლევთ პირობას, რომ ვიქნები ქუთაისის მერი. ყველაფერს ვიღონებ, რომ ასეთი კაბალური არ იყოს გადასახადები და ჩემს ქალაქში მცხოვრებლებს მიეცეთ საშუალება, იცხოვრონ ნორმალურად. ჩემი მერობის შემთხვევაში, არც ერთ ოჯახს არ ჩაუჭრიან დენს, გაზს და წყალს. რას ვეუბნებით ევროპას, ამდენი ბავშვი გვყავს დაუბანელი და თქვენთან გვინდა ჩამოსვლა-თქო?!”, – აცხადებს გოგი წულაია.
წყარო: ინტერპრესნიუსი
