მომავალ ოთხშაბათს, ხუთშაბათსა და პარასკევს სკოლები, სადაც საარჩევნო უბნებია, დისტანციურ სწავლებაზე გადავლენ, – ამის შესახებ საკოორდინაციო საბჭოს დასრულების შემდეგ საქართველოს განათლების, მეცნიერების, კულტურისა და სპორტის მინისტრმა, მიხეილ ჩხენკელმა განაცხადა.
„როგორც იცით, საარჩევნო უბენები განთავსებულია ზოგიერთ სკოლაში და იმ სკოლებში, სადაც არის საარჩევნო უბანი, არჩევნების მოსამზადებელი სამუშაოების ჩატარების გამო, ოთხშაბათს, ხუთშაბათსა და პარასკევს მომავალი კვირის ოთხშაბათს, ხუთშაბათსა და პარასკევს, დროებით, ის სკოლები, სადაც არის საარჩევნო უბნები, გადავლენ დისტანციურ რეჟიმზე“, – განაცხადა მიხეილ ჩხენკელმა.
