“ალეკო გისმენთ!” – ელისაშვილმა საარჩევნო ბანერზე საკუთარი ტელეფონის ნომერი განათავსა

124

პარტია “მოქალაქეების” ლიდერმა და საბურთალოს მაჟორიტარობის კანდიდატმა, ალეკო ელისაშვილმა საარჩევნო ბანერზე საკუთარი ტელეფონის ნომერი გააკრა. ამაზე მან Facebook-ის გვერდზე ლაივ ჩართვაში ისაუბრა.

ალეკო ელისაშვილი აღნიშნავს, რომ ცენტრალური საარჩევნო კომისიისგან საარჩევნო ნომერი ჯერ არ აქვს, ამიტომ ბანერზე ტელეფონის ნომერის დაწერა არჩია ხალხთან ურთიერთობისთვის და აზრების გამოცვლისთვის.

“გამოკრული არ გვქონდა ბანერი, რომ რამდენიმე ზარი შემოვიდა. ერთს ვუპასუხე, დანარჩენებს გადავურეკავ”, – ამბობს ელისაშვილი და მოუწოდებს ხალხს, დაურეკონ მითითებულ ნომრებზე და ესაუბრონ საბურთალოს პრობლემებზე.