ახალციხიდან ახალქალაქში შესასვლელი გზის ნაწილზე, მდინარე კორხის წყლის ხიდიდან ქალაქ ახალქალაქამდე ასფალტის საფარი განახლდება. აღნიშნული გზა უკვე წლებია დაზიანებულია.
საავტომობილო გზების დეპარტამენტმა გზის ამ მონაკვეთის რეაბილიტაციაზე ტენდერი 6 638 460 ლარზე გამოაცხადა. ამჟამად გამარჯვებულ კომპანიასთან ხელშეკრულება ფორმდება.
ტენდერში მონაწილეობა მხოლოდ ერთმა პრეტენდენტმა, შპს საგზაო სამშენებლო სამმართველო N1-მა მიიღო. იგი პროექტს 5 744 000 ლარად 12 თვის განმავლობაში განახორციელებს.
გზის ამ მონაკვეთის რეაბილიტაციას საავტომობილო გზების დეპარტამენტში გასულ წელს აანონსებდნენ.
