დაბა სტეფანწმინდაში ეპიდემიოლოგიური კვლევა მიმდინარეობს. მას შემდეგ, რაც მუნიციპალიტეტში ინფიცირების ახალი შემთხვევები გამოვლინდა, მოსახლეობის ტესტირება გრძელდება. ეპიდემიოლოგები დილიდან დაავადებული პაციენტების ახლო კონტაქტებს იკვლევენ, თუმცა აქ COVID-19-ზე გამოკვლევა სურვილის მიხედვით, სხვა ადამიანებსაც შეუძლიათ.
დღეს სპეციალისტები კიდევ ასამდე ადამიანის ბიოლოგიური ნიმუშის შეგროვებას გეგმავენ, რასაც შემდეგ კორონავირუსზე პი-სი-არ ტესტირება ჩაუტარდება. გასული დღე-ღამის განმავლობაში დაბა სტეფანწმინდაში კოვიდინფიცირების 5 ახალი შემთხვევა გამოვლინდა.
მუნიციპალიტეტში, ჯამში 13 შემთხვევაა დაფიქსირებული და ყველა მათგანი ლარსის საბაჟო-გამშვები პუნქტის კლასტერის წარმომადგენლები არიან.
ამ დროისთვის საქართველოში კორონავირუსის 1 306 შემთხვევაა დადასტურებული. განკურნებულთა რაოდენობა სულ 1 085-ს შეადგენს. უცხოეთიდან სამკურნალოდ გადმოყვანილია საქართველოს 41 მოქალაქე. კორონავირუსის შედეგად, ქვეყანაში 17 პაციენტი გარდაიცვალა.
