გარდაბნის მუნიციპალიტეტის მასშტაბით რვა ადგილზე, საბავშვო ბაგა-ბაღების ეზოების კეთილმოწყობა მიმდინარეობს.
მერიის ინფორმაციით, პროექტით გათვალისწინებული სამუშაოების ფარგლებში ყველა ადგილზე საბავშვო გასართობი ატრაქციონები, საფეხმავლო ბილიკები, ფანჩატურები, ღობე და სარწყავი სისტემა ეწყობა.
სამშენებლო სამუშაოები ადგილობრივი ბიუჯეტიდან 1 277 000 ლარით ფინანსდება, სამუშაოებს ხელშეკრულებით გათვალისწინებულ ვადებში, ტენდერში გამარჯვებული კომპანია შპს „გია კონსტრაქტმშენი“ ახორციელებს.
