კახეთის მხარეში სახელმწიფო რწმუნებული ირაკლი ქადაგიშვილი არ არის ინფორმირებული, სახელდება თუ არა მისი კანდიდატურა რეგიონში მაჟორიტარი დეპუტატის თანამდებობაზე. ამის შესახებ knews.ge-ს კახეთის სახელმწიფო რწმუნებულის ადმინისტრაციაში განუცხადეს.
ინფორმაცია იმის თაობაზე, რომ ირაკლი ქადაგიშვილი კახეთის ერთ-ერთი ოლქის მაჟორიტარი დეპუტატობისთვის იბრძოლებს, გუშინ ტელეკომპანია “მთავარმა” გაავრცელა.
“მთავარი არხის” ინფორმაციით, კიდევ ერთ ოლქში, რომელიც გურჯაანს, საგარეჯოს, დედოფლისწყაროსა და სიღნაღს მოიცავს, მაჟორიტარი დეპუტატობის კანდიდატად დავით სონღულაშვილი განიხილება. knews.ge ინფორმაციის გადამოწმებას სონღულაშვილთან ცდილობს.
