კრწანისის რაიონში, ორთაჭალის ქუჩა N77-ის მიმდებარედ, აქამდე არარსებული სანიაღვრე სისტემა მოეწყო, – ამის შესახებ ინფორმაციას კრწანისის რაიონის გამგებელი, ლევან ჯაფარიძე საკუთარ ფეისბუქ გვერდზე აქვეყნებს.
ჯაფარიძის თქმით, სანიაღვრე სისტემამ მოსახლეობისათვის წყალმოვარდნის პრობლემა უნდა აღმოფხვრას.
“მთლიანად შეიცვალა წყალარინების ქსელი, ამჟამად მიმდინარეობს ასფალტის საფარის მოწყობა”, – წერს ჯაფარიძე.
რაც შეეხება საგზაო ინფრასტრუქტურას, გემგეობის ცნობით, ამ ეტაპზე ასფალტის დასხმა ორთაჭალის ქუჩის N77-დან წინანაურის ქუჩამდე მიმდინარეობს. ასევე, წესრიგდება მიმდებარე ტერიტორია და ეწყობა ბორდიურები.
“ძველი საფარი ახლით 3 300 კვ.მ-ზე იცვლება. სამუშაოებისთვის გამგეობის ბიუჯეტიდან 181 500 ლარია გამოყოფილი”, – განმარტავენ გამგეობაში.
