აჭარის უმაღლეს საბჭოში განათლების მინისტრის მოსმენას ოპოზიცია არ ესწრება

48

აჭარის უმაღლეს საბჭოში განათლების მინისტრს უსმენენ. ინგა ხაჯიშვილი საკანონმდებლო ორგანოში მინისტრის საათის ფარგლებში იმყოფება.

სხდომას არ ესწრება “ნაციონაური მოძრაობა” და „ერთიანი საქართველო”. ისინი აგრძელებენ ბოიკოტის რეჟიმს, სანამ 8 მარტის შეთანება არ შესრულდება. ოპოზიცია სხდომებს უკვე რამდენიმე თვეა არ ესწრება, გამონაკლისს მხოლოდ საგანგებო ბიუჯეტის განხილვა წარმოადგენდა.

„ბოიკოტირების რეჟიმი გაგრძელდება მანამდე, სანამ არ შესრულდება 8 მარტის შეთანება, არ გათავისუფლდებიან პოლიტპატიმრები. ასევე მნიშვნელოვანია ანტიკრიზისული გეგმის განხილვა და აჭარის კონსტიტუციაში ცვლილებების შეტანა“, – განაცხადა ნაციონალური მოძრაობის წევრმა, ელგუჯა ბაგრატიონმა.

მმართველი გუნდის თქმით, საკონსტიტუციო ცვლილებები განხორიციელდება როგორც პარლამენტში, ასევე აჭარის უმაღლეს საბჭოში.

ეს პროცესი გარდაუვალია და გაუგებარია ოპოზიციის ქმედებები. ისინი კვლავ ყურადღების მიქცევას ცდილობენ”, – განაცხადა ქართული ოცნების წევრმა, ლადო მგალობლიშვილმა.