ბაღის მშენებლობისთვის სამუშაოების შემსრულებელი კომპანიის შესარჩევად რუსთავის მუნიციპალიტეტის მერიამ ტენდერი გამოაცხადა.
პროექტი ადგილობრივი ბიუჯეტიდან ფინანსდება და მისი ღირებულება 1 569 673 ლარია.
ბაგა-ბაღი ქალაქ რუსთავში, სარაჯიშვილის ქუჩის #10-ის ტერიტორიაზე აშენდება.
ბაღი იქნება 2 სართულიანი და გამოირჩევა თავისი განსხვავებული დიზაინით.
ტენდერის პირობით ბაღი უზრუნველყოფილი იქნება გათბობით, ვენტილაციის სისტემით, წყალმომარაგებით და სახანძრო სიგნალიზაციით.
ეზოში მოეწყობა ბავშვებისთვის გასართობი სივრცე.
სამუშაოების შესრულებისთვის კომპანიას 210 კალენდარული დღე ექნება.
