ცესკოს ვებგვერდი უკვე მცირემხედველი პირებისთვისაც ხელმისაწვდომია. ინფორმაციას ცენტრალური საარჩევნო კომისია ავრცელებს.
უწყების ცნობით, დამატებითი ფუნქციების ინტეგრირებით, ვებგვერდი მცირემხედველი მომხმარებლების საჭიროებებზეა მორგებული. გათვალისწინებულია შემდეგი საკითხები: ფონი – მუქი შავი ფერის; შრიფტის ფერი – მწვანე, ყვითელი, თეთრი; შრიფტის ზომა – განუსაზღვრელი. შესაბამისად, მცირემხედველ პირებს შეუძლიათ, აირჩიონ მათთვის სასურველი შრიფტი, შრიფტის ზომა და ფონი.
ვებგვერდი, ასევე, სრულად არის ადაპტირებული უსინათლო პირებისთვის.
