ბიზნესისთვის შეთავაზებული 100 საინვესტიციო ობიექტიდან („100 საინვესტიციო შეთავაზება ბიზნესს“) ექვსი უკვე გაიყიდა. საუბარია თბილისში, ბათუმსა და კასპის მუნიციპალიტეტის სოფელ წინარეხში მდებარე მიწის ნაკვეთებსა და შენობა-ნაგებობებზე. ქონების რეალიზაციის შედეგად, სახელმწიფო 8 მილიონ ლარზე მეტს მიიღებს.
ვასო გოძიაშვილის N 67-ში მდებარე 13761 კვ.მ არასასოფლო-სამეურნეო დანიშნულების მიწის ნაკვეთი და მასზე განთავსებული შენობა-ნაგებობები 3 085 000 ლარად გაიყიდა (საწყისი ფასი 3 080 000 ლარი იყო), ხოლო ვასო გოძიაშვილის N99-ში მდებარე 2992 კვ.მ არასასოფლო-სამეურნეო დანიშნულების მიწის ნაკვეთი და მასზე განთავსებული შენობა-ნაგებობები 1 177 000 ლარად (საწყისი ფასი 787 ათასი ლარი).
პეტრე იბერის N 17-ში არსებული 1411.00 კვ.მ. არასასოფლო-სამეურნეო დანიშნულების მიწის ნაკვეთი და მასზე განთავსებული შენობა-ნაგებობები, ასევე მიმდებარედ არსებული 1354 კვ.მ მიწის ნაკვეთი 1 888 000 ლარად გაიყიდა (საწყისი ფასი 790 000 ლარი).
თბილისში, ბესარიონ ჟღენტის ჩიხი N13-ში არსებული 2138.00 კვ.მ. არასასოფლო-სამეურნეო დანიშნულების მიწის ნაკვეთი და მასზე განთავსებული შენობა-ნაგებობები 864 000 ლარად გაიყიდა (საწყისი ფასი 672 000 ლარი).
ბათუმში, ავგიას ქუჩა N64ა-ში არსებული 9840.00 კვ.მ. არასასოფლო-სამეურნეო დანიშნულების მიწის ნაკვეთი 782 000 ლარად გაიყიდა (საწყისი ფასი 780 000 ლარი).
კასპის მუნიციპალიტეტში, სოფელ წინარეხში მდებარე 143927.00 კვ.მ. არასასოფლო-სამეურნეო დანიშნულების მიწის ნაკვეთი 294 000 ლარად გაიყიდა (საწყისი ფასი 292 000 ლარი).
ეკონომიკის სამინისტრომ ადგილობრივ და საერთაშორისო ბიზნესს 100 საპრივატიზაციო ობიექტი 29 ნოემბერს შესთავაზა.
