ტენდერში გამარჯვებულმა საკონცერტო სცენის მოწყობა, გაფორმება ეფექტებით და განათებებით უნდა უზრუნველყოს. ასევე, გახმოვანების აპარატურით და გარე გამოყენების ლედ ეკრანით მომსახურება, ხმის რეჟისორის, ასისტენტისა და განათების რეჟისორის მოწვევა, მუსიკალური პროგრამის ორგანიზება, წამყვანისა და თეატრალური მსახიობის მოწვევა, სადღესასწაულო ფოიერვერკების მოწოდება-გაშვების მომსახურება.
რაც შეეხება მუსიკალურ პროგრამას, კონცერტში მონაწილეობა უნდა მიიღოს 5-6 წევრისგან შემდგარმა ცნობილმა ინსტრუმენტალურმა ბენდმა ქართული და უცხოური რეპერტუარით, ყველა ასაკზე გათვლილი ჰიტებით.
“არანაკლებ ორი ვოკალისტით, ბენდის სოლისტი ცნობილი სახე, სატელევიზიო შოუს მომღერალი. ასევე, ცნობილი ადგილობრივი 4 სოლო შემსრულებელი მომღერალი, საავტორო და არასაავტორო სიმღერებით, ქართული და უცხოური რეპერტუარით”, – აღნიშნულია სატენდერო დოკუმენტაციაში.
კონცერტზე იქნება იქნება თოვლის ბაბუის პერსონაჟი.
მერიამ უფრო ადრე გამოაცხადა ტენდერი ზუგდიდის საახალწლო დეკორაციებისთვის, რისთვისაც 100 ათასი ლარი გამოყო. სადღესასწაულო საჩუქრებისთვის კი 40 ათას ლარამდე თანხა.
