საქართველოს პარლამენტის პლენარულ სხდომაზე განახლდა საარჩევნო სისტემის შესაცვლელად „ქართული ოცნების“ უმრავლესობის მიერ ინიცირებული საკონსტიტუციო კანონპროექტის განხილვა. პროექტის მიხედვით, მაჟორიტარული სისტემა უნდა გაუქმდეს და მხოლოდ პროპორციული წესით ჩატარდეს უკვე მომდევნო, 2020 წლის საპარლამენტო არჩევნები და არა 2024 წლიდან, როგორც ამას დღეს მოქმედი კონსტიტუცია ითვალისწინებს.
პარლამენტის გუშინდელ სხდომაზე დეპუტატების მიერ დასმულ შეკითხვებს პასუხობს მომხსენებელი, უმრავლესობის წევრი ირაკლი კობახიძე. ის ცდილობს მაჟორიტარული სისტემის გაუქმების მომხრეები დაარწმუნოს პროპორციული სისტემის უპირატესობაში.
მაჟორიტარული სისტემის გაუქმებას ეწინააღმდეგება საპარლამენტო უმრავლესობის წევრი მაჟორიტარი დეპუტატების ნაწილი. საკონსტიტუციო ცვლილებების მიღებას სულ მცირე 113 დეპუტატის მხარდაჭერა სჭირდება. „ქართულ ოცნების“ მიერ ინიცირებულ კანონპროექტს მხარს უჭერს საპარლამენტო ოპოზიცია, თუმცა, გადამწყვეტი იქნება სწორედ უმრავლესობის წევრების ხმები.
