ბათუმში, გურამიშვილის ქუჩაზე სარეაბილიტაციო სამუშაოები მიმდინარეობს.
უკვე დასრულდა გრუნტის შეცვლა, მოეწყო სანიაღვრე მილები და ჭები, დაიგო ბაზალტის ბორდიურები და დეკორატიული ფილები. ამ ეტაპზე მიმდინარეობს ასფალტ-ბეტონის პირველი ფენის დაგება.
სამუშაოები მიმდინარე წლის თებერვალში დაიწყო და დეკემბერში დასრულდება. პროექტის ღირებულება 1 მილიონ 780 ათას ლარს შეადგენს.
