შპს “სტრადა”, რომლისგანაც გორის მუნიციპალიტეტის მერიამ სპეცტექნიკა იყიდა, რუსული კომპანია “გაზ-ჯგუფის” ოფიციალური წარმომადგენელია. ინფორმაციას რადიო მოზაიკა ავრცელებს.
როგორც სატენდერო დოკუმენტაციიდან ირკვევა, შპს “სტრადა” სერვისულ-გამსაღებელი ქსელი “გაზის” ოფიციალური მონაწილეა და საქართველოს ტერიტორიაზე “გაზი-ს” ავტომობილების რეალიზაციის, ტექნიკური საგარანტიო და გარანტიის შემდგომი შეკეთების უფლება აქვს.
აღნიშნული კომპანია რუსეთის ქალაქ ნიჟნი-ნოვგოროდში, ილიიჩის გამზირზეა რეგისტრირებული.
ცნობისთვის, გორის მერიამ დასუფთავების 6 ახალი სპეციალური მანქანა შეიძინა, დღეიდან კი გორის ქუჩების მორეცხვა დაიწყება.
