საავტომობილო გზების დეპარტამენტის ინფორმაციით, ანაკლიის პორტამდე მისასვლელი გზისა და რკინიგზის პროექტირებასთან დაკავშირებით განაცხადების მიღება გუშინ დასრულდა.
საერთო ჯამში კი, გამოცხადებულ ორეტაპიან კონკურსზე ოთხი წინადადება შევიდა და ამ პროექტით დაინტერესებულია 1 ქართული კონსორციუმი (რამდენიმე კომპანიათა გაერთიანება), 1 ხორვატიული კომპანია, 1 ავსტრალიური და ერთიც ესპანური კომპანია.
პროექტის პირველი ეტაპი შეთავაზებული ტექნიკური წინადადებების შესწავალას, ხოლო მეორე ეტაპი ფინანსურ ნაწილს ითვალისწინებს.
გამარჯვებულის გამოვლენა და მასთან ხელშეკრულების გაფორმება მარტის ბოლოს იგეგმება.
