იაპონიის საელჩოს მიერ გამოცხადებულ საგრანტო კონკურსში ა(ა)იპ გორის მუნიცპალიტეტის მერიის სტრატეგიული განვითარების სააგენტომ გაიმარჯვა. ინფორმაციას რადიო მოზაიკა ავრცელებს.
საელჩოს მიერ გამოყოფილი თანხით გორის მერია ექსკავატორ – დამტვირთველს შეიძენს.
იაპონიის საელჩომ საგრანტო კონკურსი გასულ წელს გამოაცხადა. პროექტი, რომელიც გორის მერიის სტრატეგიული განვითარების სააგენტომ მოამზადა, სასმელი და სარწყავი სისტემის მოვლას და ექსპლუატაციის მიზნით ექსკავატორ-დამტვირთველის შეძენას ითვალისწინებდა. პროექტის ღირებულება 61 000 აშშ დოლარია.
საკრებულოს დღევანდელ რიგგარეშე სხდომაზე დეპუტატები აღნიშნული თანხის ბიუჯეტში ასახვაზე იმსჯელებენ.
