ანაკლიის პორტთან მისასვლელი გზისა და რკინიგზის მშენებლობაზე 271 მილიონის დახარჯვა იგეგმება

1071

წინა სტატია

ანაკლიის პორტთან მისასვლელი გზისა და რკინიგზის მშენებლობაზე, მომდევნო 4 წლის განმავლობაში, მთავრობა 271 მილიონი ლარის დახარჯვას გეგმავს. ამის შესახებ კაპიტალური პროექტების დოკუმენტშია საუბარი, რომელიც საკანონმდებლო ორგანოშია წარდგენილი. ინფორმაციას BM.GE ავრცელებს.

გეგმის მიხედვით, ამ მიზნით 2019 წლის ბიუჯეტში 20 მილიონი ლარია გათვალისწინებული, 2020-ში 75 მილიონის დახარჯვა იგეგმება, 2021-ში ასევე 75 მილიონის, 2022 წელს კი 90 მილიონი ლარის.

“აღნიშნული საავტომობილო გზისა და რკინიგზის მშენებლობის სამუშაოები ხელს შეუწყობს ანაკლიის ღრმაწყლოვან პორტის დაჩქარებულ მშენებლობას, ხოლო შემდგომში გამოყენებული იქნება ტვირთბრუნვისათვის”, – ნათქვამია დოკუმენტში. სულ პროექტის ფარგლებში 18 კილომეტრის სიგრძის გზა და სარკინიგზო მონაკვეთი უნდა აშენდეს.

შეგახსენებთ, რომ ინფრასტრუქტურის სამინისტრო, ჯერ კიდევ გასული წლიდან ცდილობს ტენდერის საფუძველზე გამოავლინოს კომპანია, რომელიც საავტომობილო გზასა და რკინიგზას დააპროექტებს. არაერთხელ გამოცხადებული ტენდერის მიუხედავად, დამპროექტებელი კომპანია დღემდე არ არის შერჩეული. ამ მიზნით, 2018 წლის ბიუჯეტში გათვალისწინებული 11 მილიონი ლარი კი, აუთვისებელია.