რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის განცხადებით, დღეს 30 ოქტომბერს, კობი-გუდაურის მონაკვეთზე საავტომობილო მოძრაობა დროებით უნდა აეკრძალათ, თუმცა, დეპარტამენტის ცნობით, სარეაბილიტაციო სამუშაოები გადაიდო, რის გამოც მოძრაობა აღარ შეფერხდება.
“შპს “ფერის“ მიერ მოწოდებულ ინფორმაციაზე დაყრდნობით, 2018 წლის 30 ოქტომბერს, საერთაშორისო მნიშვნელობის მცხეთა-სტეფანწმინდა-ლარსის (რუსეთის ფედერაციის საზღვარი) საავტომობილო გზის 107-ე კმ-ზე (სოფ. კობი) დაგეგმილი, საბაგირო ტროსების და კაბელების მონტაჟი ვერ ხორციელდება გაუთვალისწინებელი ტექნიკური მიზეზების გამო, შესაბამისად 30 ოქტომბერს აღნიშნულ გზაზე მოძრაობა თავისუფალი იქნება”, – აცხადებენ საავტომობილო გზების დეპარტამენტში.
შეგახსენებთ, რომ გუდაურში 6 ახალი საბაგირო შენდება, სასრიალო არეალი კი 20%-ით იზრდება.
