გურჯაანის საბავშვო ბაღებში საზაფხულო არდადეგები პირველი ივლისიდან დაიწყება. სკოლამდელი სააღმზრდელო დაწესებულების გაერთიანების ხელმძღვანელის ლელა თევდორაშვილის თქმით, არდადეგების პერიოდში ზაფხულის ჯგუფები იმუშავებენ. ინფორმაციას “სპექტრი” ავრცელებს.
„ყველა საბავშვო ბაგა – ბაღში სააღმზრდელო პროცესი 2018 წლის პირველი ივლისიდან შეწყდება. პირველი ივლისიდან პირველ აგვისტომდე კი, ქალაქ გურჯაანის ნომერ პირველ ბაგა-ბაღში, იმ ბავშვებისთვის, რომელთა მშობლებიც დასაქმებულები არიან, მუშაობას ე.წ. ზაფხულის ჯგუფები დაიწყებს”, – თქვა თევდორაშვილმა.
მისივე თქმით, სასწავლო პროცესი მუნიციპალიტეტის ყველა ბაღში სექტემბრიდან განახლდება.
